مراجعة لموبايل فيفو Y27 جدول سعر ومواصفات العدة

اطلقت شركة فيفو موبايلها الجديد وهو موبايل Vivo Y27 ويعتبر الموبايل ده احد الإصدارات الاقتصادية الجديدة من شركة فيفو واللي بتقدم فيه الشركة بعض المميزات مثل التصميم الشيك المختلف

دا غير ان الشركة بتقدم الموبايل مع بطارية قوية 5000 ملي أمبير وكمان الموبايل بيدعم الشحن السريع بقدرة 44 واط

وكمان مع شاشة IPS LCD بحجم كويس جدا وتعتبر كبيرة بمقياس 6.64 بوصة بدقة FHD+

ومعالج من نوع Helio G85معالج قوي ويقدم أداء قوي في الفئة السعرية الاقتصاجية وكمان ذاكرة عشوائية 6 جيجا بايت، وذاكرة داخلية 128 جيجا

اما بالنسبة الي الكاميرات فتبجي بكاميرا خلفية ثنائية الأساسية بدقة 50 ميجا بكسل، وكاميرا أمامية بدقة 8 ميجا بكسل

دا غير ان الموبايل بيشتغل بنظام أندرويد 13 مع واجهة Funtouch 13 الخاصة بشركة فيفو

فيلا بينا نتعرف على موصفات سريعة للموبايل واهم مميزات وعيوب موبايل فيفو Y27 في السطور التاليه.

مواصفات سريعة لموبايل Vivo Y27

• الشاشة:  من نوع IPS LCD وتأتي بمساحة 64 إنش بدقة الـ 1080×2388 بكسل بمعدل كثافة بكسلات 395 بكسل
• المعالج:   من شركة ميديا تيك من نوع Helio G85 بتكنولوجيا 12 نانو مع معالج رسومي من نوع Mali-G52 MC2
• الذاكرة:  ذاكرة صلبة بسعة 128 جيجا بايت مع ذاكرة عشوائية بسعة 6 جيجا بايت
• الكاميرا:  الخلفية ثنائية بدقة 50+2 ميجا بكسل وكمن الكاميرا الامامية 8 ميجا بكسل
• البطارية:  5000 مللي أمبير
• نظام التشغيل:   اندرويد 13 مع واجهة فيفو الأحدث الـ Funtouch 13

مميزات موبايل فيفو Y27

• الموبايل بيجي بتصميم شيك وخامات محترمة من فيفو صحيح انها من البلاستيك ولكنه بيحمي الموبايل من الصدمات الخفيفة.
• وهتحس انه موبايل من الزجاج علشان ظهرة وملمسة ناعم ودا اللي هتشوفة لما تستخدم الموبايل. دا غير ان وزنة خفيف ودا اللي بيساعد علي انه يكون في ايدك مريح.
• الموبايل بيقدم تجربة ممتازة في الشبكات القوية وكمان الاستخدام الخاص بالبصمة ممتاز بسبب ان المعالج سريع وكمان بيشتغل بدقة كبيرة.
• بطارية كبيرة بسعة 5000 ملي أمبير بتصمد للعمل لفترة طويلة خلال اليوم، حتى لو بتستخدم الهاتف بشكل مكثف
• كمان الشركة دعمت الموبايل بشحن سريع 44 واط ويتم شحن الهاتف في ساعة تقريبا ودا وقت ممتاز دا غير ان الميزة القوية في الموبايل ان الشاحن مرفق في العلبة عشان ما تحتاجش تشتري شاحن خارجي.
• وبالنسبة الي الأداء فالمعالج المقدم من الشركة يأتي من شركة ميديا تيك من نوع Helio G85 الخاص بالاداء القوي وبتكنولوجيا 12 نانو مع معالج رسومي من نوع Mali-G52 MC2
• فهو نفس المعالج الموجود في الـ Xiaomi Redmi 12C والـ Realme C25s واللي يعتبر ممتاز في الفئة السعرية دي.
• الكاميرا الخلفية الأساسية بدقة 50 ميجا بكسل بتلتقط صور واضحة وألوانها طبيعية حتى في ظروف الإضاءة المنخفضة بسبب الدقة الكبيرة
• وكمان فتحة العدسة الواسعة اللي بتسمح بكمية ضوء مناسبة للدخول للكاميرا واللي بتيجي بعدسة F/1.8

عيوب موبايل فيفو Y27

• الخامات البلاستيكية اللي بيستخدمها الموبايل مش افضل حاجة ولكن ده المتعارف عليه في الفئة السعرية دي
• ولكن لازم تحافظ عليه من الخدوش، وكمان مفيوهوش أي مقاومة للماء او حتي الغبار بأي شهادة معتمدة للموبايل.
• يعتبر المعالج Helio G85 معالجًا متوسطًا، ولكنه قادر على التعامل مع المهام اليومية والألعاب دون أي مشاكل. ومع ذلك، قد لا يكون مناسبًا للمستخدمين الذين يبحثون عن أداء متميز في الألعاب أو التطبيقات الثقيلة
• الموبايل مبيدعمش تقنية NFC واللي تعتبر تقنية أساسية في العديد من الهواتف الذكية، حيث تتيح إجراء عمليات الدفع الإلكتروني وعدم دعم الهاتف لتقنية NFC قد يمثل عيبًا للبعض من المستخدمين
• عدم دعم تصوير الفيديوهات بدقة مرتفعة الـ 4K حيث اكثر دقة بتصور بيها 1080 وعلشان حاليا تصوير الفيديو بدقة 4K مهم في بعض الهواتف الذكية، عشان يتيح تسجيل مقاطع فيديو بجودة عالية، عدم دعم الهاتف لها قد يمثل عيبًا للبعض.
• الموبايل مبيدعمش ميكروفون اضافي لعزل الضوضاء وحاليا بقا مهم في بعض الهواتف الذكية، عشان بيحسن جودة الصوت عند التسجيل أو إجراء المكالمات.
• الموبايل كمان مفيهوش خاصية التصوير بزاوية واسعة أو حتي الكاميرا الخاصة بالتصوير القريب
• ودا عشان الكاميرات دي بيسمحوا بالتقاط صور بزاوية أوسع أو أقرب من المعتاد وبالتالي الصور بتبقي حلوة.
• تعال بقا للشاشة وان الشاشة من نوع IPS وكمان مبتدعمش معدل التحديث الـ 90 هيرتز علي الأقل أو شكل الثقب أو نوع أموليد
• كل المواصفات دي كانت هتبقي ميزات إضافية واللي كانت هتساعد في تحسين تجربة المستخدم للموبايل.

أسعار هاتف فيفو Y27 في مصر والسعودية والإمارات

• السعر في مصر 7700 جنيه مصري للنسخة 128 جيجا بايت مع 6 جيجا بايت رام.
• وسعرة في السعودية 620 ريال سعودي للنسخة 128 جيجا بايت مع 6 جيجا بايت رام.
• والإمارات 620 درهم إماراتي للنسخة 128 جيجا بايت مع 6 جيجا بايت رام

تقيمنا لموبايل Vivo Y27

• بشكل عام، يعتبر هاتف Vivo Y27 خيارًا جيدًا للمستخدمين الذين يبحثون عن هاتف بأداء جيد وعمر بطارية طويل
• وشحن سريع وكاميرا جيدة وشبكات قوية وبصمة سريعة وتصميم شيك وخامات محترمة.
• ولكن في نفس الفئة السعرية او بفارق بسيط اوي في السعر في المحلات هتلاقي موبايل سامسونج A24  واللي بيقدم شاشة افضل بكتير اوي
• افضل في النوع سوبر اموليد وكمان 90 هيرتز معالج اقوي وكاميرات افضل كذلك سواء الامامية او الخلفية لانها ثلاثية